सिरपाः दाता लहनाय् जिं मातृभाषा पत्रकारिता याना च्वपिंत लहना केशव—कृष्णबदन मातृभाषा पत्रकारिता सिरपाm तयेदयाः जि तसकं लय्ताः।

छाय्धाःसा मातृभाषा पत्रकारिता यानाच्वपिंत राज्यं सिरपाः नाप सम्मान याइगु धइगु म्हो जक जुइ । अथे जूगुलि जिं मातृभाषा पत्रकारिता यानाच्वपि रेडियो टिभि, अनलाइन, पत्रिका नाप टेलिभिजनपाखे पत्रकार यानाच्वपिंत दँय् छम्हेसित सिरपाः बिइगु कथं थुगु सिरपाः स्थपाना यानागु खः।

थुगु सिरपाः आःतक रचना श्रेष्ठ, सुजिव वज्राचार्य, पूर्णिमा शाक्य, नजरराम महर्जन व नविन जोशी यानाः न्याम्हेसित बिइ धुंकूगु दु। लहना वाःपौ नं पत्रिका पिकायेगु जक मखु पत्रकारतय्त हनेगु नाप सम्मान यायेगु ज्या मदिक्क जुयाच्वंगु तसकं बालागु ज्या खः। थौकन्हय् पत्रिका पिकायेत तसकं थाकुगु इलय् नं लहना वाःपौ झिंस्वदँ क्यःगु लसताय् दुनुगलनिसे भितुना देछानाच्वना।