येँया वघलय् छगु लुँ वहःया तिसाः पसलय् पेस्तोल ज्वना लुटपाट यायेत स्वपिं स्वम्हेसित प्रहरीं ज्वःगु दु।

ठिमी नगरपालिका–९ बोडे च्वम्ह ३० दँयाम्ह विकेश राजवाहक, येँया डल्लु च्वम्ह ३४ दँयाम्ह अरुण भुजेल व यलया महालक्ष्मी नगरपालिका–६ य् च्वम्ह हरिकृष्ण महर्जनयात प्रहरीं ज्वःगु दु।राजवाहक व भुजेलयात जिल्ला प्रहरी परिसर काठमाडौंया टोलीं व महर्जनयात काठमाडौं उपत्यका अपराध अनुसन्धान कार्यालयया टोलीं ज्वंगु खः।

उमिसं १७ वैशाखय् वघलय् च्वंगु तिसाः पसलय् पेस्तोल ताके याना लुटे यायेत स्वःगु खः। पसलय् च्वम्ह छम्ह मिसा ख्यानां लिनाच्वंगु खः।उपिपाखे चाइजिज पेस्तोल तक बरामद याःगु खः।

पेस्तोलय् तयेत माःगु म्यागजिन १ थान, गोली १ थान, नक १ थान, घटनाय् दुथ्याःगु कापां व स्कुटर न बरामद यानागु दु धका परिसरया एसपी भट्टराई न धाःगु दु।

Categorized in अपराध