सः दबू साहित्यया स्वंगूगु ब्वय् चिबाखंमि राजेश्वरी राजोपाध्यायया चिबाखं न्ह्यब्वःगु दु। लाया न्हापांगु सनिवाः यलया तलाछेँय् न्ह्याकावयाच्वंगु सः दबू साहित्यया झ्वलय् मय्जु राजोपाध्यायं थःगु १५ पु बाखं न्यंकादीगु खः।

साहित्यया दुजः सुरेन्द्रभक्त श्रेष्ठं चिबाखंमि राजोपाध्याययात स्वांमाः क्वखायेकाः लसकुस यासें न्ह्याःगु ज्याझ्वलय् कजि सुधीर ख्वबिं मतिनाया चिं देछाःगु खः।

ज्याझ्वलय् ब्वति काइपिन्त लःल्हानावयाच्वंगु लुखा सिरपाः थुगु संस्करणय् वंशीधर बज्राचार्यं त्याकेत ताःलाःगु खः। साहित्यया दुजः समा श्रीं न्ह्याकूगु ज्याझ्वलय् चिबाखंमि राजोपाध्यायया म्हसीका न्ह्यब्वःगु खः।

चिबाखं ब्वनेज्या न्यापु न्यापुया ल्याखं स्वंगू ब्वय् ब्वथलाः न्ह्याःगु खः।

Categorized in राष्ट्रिय