वांगमय शताब्दी पुरुष लोकसाहित्यविद् सत्यमोहन जोशीया १०७ क्वःगु जन्म जन्मजयन्ती हने ज्याझ्वलय् सांस्कृतिक अभियन्ता लिसे प्राज्ञ शरद कसाःयात ५० द्वः तकाया नगद सिरपाः लिसे करुणाकर सिरपाः देछाःगु दु।

यलया बखुंबहालय् जूगु ज्याझ्वःया उलेज्या नेपालभाषा एकेदेमीया संरक्षक यज्ञरत्न धाख्वाः त्वाःदेवाय् मत च्याकाः उलेज्या यानादीगु ज्याझ्वलय् मूपाहां यल महानगरपालिकाया उपमेयर मन्जली शाक्यं कसाःयात सिरपाः देछानादीगु खः ।

परिषदया नायः राजितबहादुर श्रेष्ठया सभापतित्वय् जूगु ज्याझ्वलय् विमलप्रभा वज्राचार्य लसकुस यानादीगु खः । ज्याझ्वलय् परिषदया दुजः शान्तराज शाक्यं सम्मानित जुयादीम्ह शरद कयाःया म्हसिका न्ह्यब्वयादीगु खःसा नेपालभाषा एकेदेमीया चान्सलर मल्ल के. सुन्दर, संरक्षक धाख्वाः, सिरपाः दातापाखे जयाकर वैद्य व मूपाहां शाक्यं नुगः खँ प्वंकादीगु खः। 

Categorized in राष्ट्रिय