राखेपां मानन्धर व ललिता पनेरुयातं हन
नृपेन्द्रलाल श्रेष्ठ | चिल्लाथ्व दुतिया ११३९ (मार्च ८ २०१९)
नेपाल ओलम्पिक कमिटिं (एनओसी) महिला स्पोर्ट्स कमिसन ब्याटमिन्टनया पुलाम्ह मिसा कासामि राजदेवी मानन्धर व राष्ट्रिय खेलकुद परिषद (राखेप) या कर्मचारी ललिता पनेरुयात थौं हने ज्या याःगु दु ।
कमिसनं थौं शुक्रवाः अन्तराष्ट्रिय मिसा दिवसया लसताय् पुर्व लेजेण्ड मानन्धर व पनेरुयात म्हति न्यय् द्धः नगद नाप हनापौ नेपाल ओलम्पिक कमिटिया अध्यक्ष जीवन राम श्रेष्ठ व कमिसनया अध्यक्ष ज्योति राणा हनादीगु खः ।
कासामि मानन्धरं बिस २०२८ निसे ब्याटमिन्टन व पनेरु राखेपय् पुलाम्ह मिसा कर्मचारी खः।
उगु ज्याभ्वलय् थःगु नुँगः तयेगु झ्वलय् एनओसी अध्यक्ष श्रेष्ठं २१ औं शताब्दीय् न मिसापिन्त विभेद जुया च्वंगु दु धयादीसे मिसा सशक्तिकरण सन् २०३० तक दुने आमुल परिवर्तन जुइ खँय् बिश्वास प्वकादील ।
