पर्सा प्रहरीं ‘राष्ट्र, राष्ट्रियता धर्म संस्कृति व नागरिक बचाउ’ अभियान नेपालया कजि दुर्गा प्रसाईंयात ज्वंगु दु।

पर्सा प्रहरीया प्रवक्ता हरिबहादुर बस्नेतं कजि प्रसाईयात म्हिगः ‘जरुरी पक्राउ पुर्जी’ बियाः न्यनेकने यायेगु निंतिं नियन्त्रणय् कयागु जानकारी बियादिल।

“कजि प्रसाईंयात माःगु न्यनेकने याना अनुसन्धानया निंतिं जरुरी पक्राउ पुर्जी बियाः जिल्ला प्रहरी ज्याकुथि पर्साय् हयागु दु”, वय्कलं धयादिल ।

प्रसाईं म्हिगः सुथय् थनया गहवामाई देगलय् जुइगु ज्याझ्वःया निंतिं थन झायादीगु खः।

Categorized in राष्ट्रिय