येँ महानगरपालिका १२ वडाया ग्वसालय् थुगुसी स्नातकोत्तर तगिं ताःलाःपिं वडाबासीपिनिलिसें १२ वडा दुनेया पेशाकर्मीपिन्त हनीगु जूगु दु। छगू पत्रकार सम्मेलनया ग्वसाः ग्वसें ज्याझ्वःया जानकारी ब्यूगु खः।

थ्व हे जेठ ११ गते दुने नां दुथ्याकादीपिं विद्वतवर्ग व पेशाकर्मीपिन्त हनेगु जूगुलिं सम्बन्धित व्यक्तित्वपिसं इलय् हे वडा ज्याकुथिइ स्वापू तयेत इनाप याःगु दु।येँ मनपा १२ वडाया अध्यक्ष बालकृष्ण महर्जनया सभानायःसुइ जूगु ज्याझ्वलय् हना ज्याझ्वःया कजि ज्ञानीबाबु सिंहं ज्याझ्वःया बारे कनादीगु खः।१२ वडापाखें वंगु २०८१ व ८२ सालय् थीथी व्यक्तित्वपिन्त हनेज्या याये धुनागु जानकारी बियादिसें उबले त्वःफ्यूपिसं नं नां दुथ्याकेत वय्कलं इनाप यानादिल।

न्हापा स्नातकोत्तरपिन्त जक हनागुली थुगुसी धाःसा स्नातक जुयाः पेशा न्ह्याकाच्वंपिन्त नं हने त्यनागु जानकारी बियादिसें कजि महर्जनं इञ्जिनियर, डाक्टर, अडिटर, चार्टर्ड एकाउण्टेण्ट, पाइलट, ब्वनेकुथिया प्रधानाध्यापक व राष्ट्रिय अन्तराष्ट्र्रिय कासाय् पदक त्याकूपिन्त नं हनेज्या यायेगु खँ कनादिल।

थुकिया निंतिं सम्बन्धित काउन्सिलय् दर्ता जूगु प्रमाणपत्र नं पेश यायेमाःगु वय्कलं कनादिल।ज्याझ्वःया आज्जुबारे कनादिसें वडा अध्यक्ष बालकृष्ण महर्जनं वडाबासी पेशाकर्मी व विद्वत वर्ग म्हसीका वडाबासीपिन्त ज्या काये अःपुकेत थुगु ज्याझ्वलं ग्वाहालि याइगु बिचाः प्वंकादिल।

Categorized in राष्ट्रिय