येँ महानगरपालिकां न्यायिक समितिपाखें विवाद निरुपण व स्थानीय तहया समस्या ज्यंकेत  धलखय् दुथ्याःपिं १५४ म्ह मेलमिलापकर्ता तयार याःगु दु।

येँमपाया निर्देशक वसन्त आचार्यं मेलमिलाप प्रक्रियाया गुणात्मक लिच्वः अपेक्षालिसें १५४ म्ह तयार याःगु धयादिल। वय्कलं धयादिल, “मेलमिलाप प्रक्रियाया गुणात्मक लिच्वः अपेक्षा यानागु दु। गुलि ल्याखय् मेलमिलापया सत्र सञ्चालन जुल, उगु लिच्वः मखु। सत्रपाखें गुलि विवादया मेलमिलाप जुल। उगु लिच्वः खः।”

स्थानीय सरकारय् न्यायिक निरुपणया यक्व भाला दूगु न्ह्यथनादिसें वडा तहंनिसें विवाद समाधान याकेगु लक्ष्य पूवंकेत वडा ज्याकुथिइ मेलमिलाप कक्ष पलिस्था याःगु खः। मिसा सञ्जाल गठन विवादया अन हे सहलह जुइगु वातावरण सृजना याःगु खः । मेलमिलापं निगू हे पक्ष द्याइगु म्ह्वः व त्याइगु यक्व जुइमाःगु कनादिसें वडां स्थानीयवासीतय्त थ्व पक्षय् मद्दिक सचेत यानाच्वनेमाः धयादिल ।

विवादया पक्षयात थ्व अनुभूति जुइधुंकाः मेलमिलापया वातावरण सहज जुइगु वय्कलं धयादिल।

Categorized in राष्ट्रिय