नारायणहिटी दरबार संग्रहालय विकास समिति लागा दुने गणतन्त्र स्मारक लागाय् निर्मित सभाहल व चमेनागृह लःल्हाःगु खुदँ पुले धुंकूसां नं सञ्चालन जुइफूगु मदु।

सहरी विकास नापं भवन निर्माण विभागं ४४ क्वति ९१ लख ५३ द्वः दांया लागतय् सभाहल व चमेनागृह निर्माण यानाः २०७६ साल माघ ३ गते समितियात लःल्हाःगु खः। पैतीस रोपनी क्षेत्रफलय् चकना च्वंगु गणतन्त्र स्मारक लागाय् निर्माण जूगु सभाहल व चमेनागृह सञ्चालनय् हयेत महालेखा परीक्षकया ६३ क्वःगु प्रतिवेदनं निर्देशन ब्यूगु खः। नारायणहिटी संग्रहालय लागादुने सभाहल व चमेनागृहलिसें भूमिगत पार्किङ, सहिदस्तम्भ, नेपाःया वस्तुस्थिति नक्सा व प्यगः थां दु।

नारायणहिटीया संग्रहालय व गणतन्त्र स्मारकयात देय्या महत्वपूर्ण, ऐतिहासिक व सांस्कृतिक धरोहर दयेकाः सहिद प्रतिया सम्मान प्वंकीगु थाय् संरक्षण व सम्वद्र्धन यानाः पुरातात्विक वस्तुया प्रदर्शन याइगु थाय्कथं विकास यायेत समिति पलिस्था जूगु खः।

Categorized in राष्ट्रिय