प्रहरीं येँया गोङ्गबुं एसएलआरया म्याग्जिन व ४५ राउण्ड गोलीलिसें ज्वंगु दु।

ज्वंपिं सप्तरी राजविराज नगरपालिका–१३ या २७ दँ दुम्ह खगेन्द्र शर्मा नापं सप्तरी राजविराज–१३ छेँ जुयाः थौंकन्हय् येँ महानगरपालिका–३२ नरेफाँटय् च्वनाच्वंम्ह २२ दँ दुम्ह ओमशङ्कर गुप्ता जूगु जिल्ला प्रहरी परिसर येँया प्रवक्ता नापं प्रहरी उपरीक्षक पवनकुमार भट्टराईं राससयात जानकारी बियादिल।

वय्कलं धयादिल, “येँ तोखा नगरपालिका–९ गोङ्गवु शिव मन्दिरय् च्वंगु काबेली गेष्टहाउसय् जाँचे यायेगु झ्वलय् ४५ राउण्ड गोली, एसएलआर ल्वाभलय् छ्यलीगु म्याग्जिन छगू व मेटलया नक छगू लिसें इमित ज्वंगु खः।”ज्वंपिंत थप आवश्यक अनुसन्धान न्ह्याकूगु प्रवक्ता भट्टराईं कनादिल।

Categorized in अपराध