सुर्खेत प्रहरीं स्वंगू क्वति तका ज्वःया लुँ लिसें व्यापारी श्यामसुन्दर अग्रवालयात वीरेन्द्रनगरय् ज्वंगु दु। जिल्ला प्रहरी कार्यालय सुर्खेतं थ्वहे जेठ १८ गते वीरेन्द्रनगर नगरपालिका–६ राजाचोक सत्तिक च्वंगु ‘शिव ईम्पोरिय’ पसलं स्वंगू क्वति तका ज्वःया लुँ वहःया तिसानापं अग्रवालयात नियन्त्रणय् कयागु धकाः जिल्ला प्रहरी ज्याकुथिया सुचना अधिकारी लिसें प्रहरी नायब उपरीक्षक कविन्द्रसिंह बोहरां जानकारी बियादिल।

वय्कःया कथं व्यापारी अग्रवाल पाखें थीथी नेपाली ध्यबाः निगू लख १९ द्वः व न्यासः तका, थीथी भारतीय ध्यबा च्यागू लख ११ द्वः ९००, ध्यबा निनेत छ्यलीगु मेसिन छगू व थीथी कथंया लुँ लिसें लुँ वहःया तिसा तयातःगु थलबल व प्वः लिसें थ्यंमथ्यं १८५ पाःति वंगु स्वंगू क्वति तका ज्वःया लुँवहःया तिसा ज्वंगु खः। ज्वनातःम्ह अग्रवालयात कयाः अनुसन्धान जुयाच्वंगु प्रहरीं धाःगु दु।

Categorized in अपराध