लिपांगु २४ घौया दुने ट्राफिक नियम उल्ल्घनयाःपिं निद्वः व ९३ सवारी चालकयात कारबाही याःगु दु। उगु कारबाहीपाखें राज्यकोषय् २७ लख ३६ द्वः ५०१ तका राजस्व दाखिला जूगु दु।

काठमाडौँ उपत्यका ट्राफिक प्रहरी ज्याकुथिया कथं मादक पदार्थ सेवन याःपिं ९२ म्ह, नियम अःखः ‘राइड सेयरिङ’ याःपिं १६९ म्ह, सङ्केत मत हाचां गाःपिं १४१ म्ह व तःगतिइ सवारी साधन ब्वाकूपिं १०१ म्हेसित कारबाही याःगु खः।

अथे हे, ‘लेन’ अनुशासन पालना मयापिं ८२ म्ह, निषेधित लागाय् हर्न न्यायेकूपिं ९२ म्ह, सतक पेटीइ सवारीसाधन पार्किङ याःपिं १०५ म्ह, छखेजकया सतकय् अःखतं सवारी न्ह्याकूपिं १२९ म्ह व मेमेगु सवारी नियम पालना मयापिं द्वःछि व ९८२ म्ह यानाः मुक्कं निद्वः व ९३ म्हेसित कारबाही याःगु खः।

Categorized in राष्ट्रिय