विश्व वातावरण दिवस २०२६ थौं देय्न्यंकं थी थी ज्याझ्वः यानाः हनेत्यंगु दु। ‘समृद्ध भविष्यया आधारः जलवायु नापं प्रकृतिमैत्री विकास’ मूल नारा ज्वनाः वाःज्वःछि हनेत्यंगु खः।

दिवसया झ्वलय् वातावरण विभागं यलय् विशेष ज्याझ्वः ग्वसाः ग्वये त्यंगु खः। विश्व वातावरण दिवसया मुख्य समारोहय् कृषि, वन नापं वातावरणमन्त्री गीता चौधरी मू पाहाँ कथं सहभागी जुइगु ज्याझ्वः द। वातावरण विभागं थी थी सरकारी निकाय, विकास साझेदार, वातावरणविद् नापं सरोकारवालापिनिगु ज्याझ्वलय् उपस्थिति दइ धाःगु खः।

विभागया महानिर्देशक ज्ञानराज सुवेदीं वातावरण संरक्षण, जलवायु ह्यूपाःया हाथ्या सामना नापं प्रकृतिमैत्री विकास प्रवद्र्धनया विषयय् जनचेतना थनेत विश्व वातावरण दिवस विशेष कथं हनेत्यंगु जानकारी बियादिल। विश्व वातावरण दिवसया झ्वलय् देय् न्यंकं थी थी जनचेतनामूलक नापं वातावरण संरक्षण सम्बन्धी ज्याझ्वः न्ह्याकीगु विभागं धाःगु खः।

Categorized in राष्ट्रिय