विश्व वातावरण दिवस–२०८३ या झ्वलय् विष्णुमती लखतीर्थ लँ करिडोरय् स्वांसिमा प्यूगु दु।

येँ महानगरपालिका उद्यान नापं हरियाली प्रवद्र्धन आयोजनां ग्वसाः ग्वःगु वृक्षरोपण ज्याझ्वलय् थी थी जातया थ्यंमथ्यं १०० स्वांसिमा प्यूगु खः। ज्याझ्वलय् नं १२ या नायः लिसें महानगरपालिका वातावरण समितिया कजि बालकृष्ण महर्जन, वडा नं १५ या नायः ईश्वरमान डङ्गोल व वडा नं १९ या नायः राजेश श्रेष्ठं विष्णुमती लखतीर्थ लँ करिडोरय् स्वांसिमा पिनाः लः बियाः मंकाः कथं शुभारम्भ यानादिल।

वातावरण दिवसय् जक मखु मेगु इलय् नं स्थानीयतय्गु माग कथं वृक्षरोपण यायेगु वातावरण समितिया कजि महर्जनं कनादिल। वातावरण संरक्षणय् स्थानीयतय्गु महत्त्वपूर्ण भूमिका दइगु जूगुलिं स्थानीयतय्त स्वांसिमा संरक्षणया निंतिं वय्कलं आह्वान यानादिल।

वृक्षरोपण ज्याझ्वलय् महानगरपालिकाया उद्यान नापं हरियाली प्रवद्र्धन आयोजनाया प्रमुख धनबहादुर बस्नेत, थी थी स्थानीय क्लबया नायः लिसें प्रतिनिधि व स्थानीयतय्गु सक्रिय सहभागिता दूगु खः।

Categorized in राष्ट्रिय