राष्ट्रिय मानव अधिकार आयोगं वंगु भदौ २३ व २४ गते जूगु ‘जेनजी’ आन्दोलनया झ्वलय् मस्तय्त ‘ह्युमन शिल्ड’ (मानवीय ढाल)या छ्यगू  निष्कर्ष पिकागु दु।

नेपाली कांग्रेस पार्टी केन्द्रीय कार्यालय जुगु छगु ज्याझ्वलय् आयोगपाखे निस्वना तःगु ‘भदौ २३ व २४ गते जूगु आन्दोलन जाँचबुझ समिति’ या संयोजक नापं आयोगया सदस्य डा. लिली थापां हिंसा स्यकेत उत्तेजक भूमिका म्हितूगु धका धाःगु खः।

“छम्ह जिम्मेवार मनूखं भिडियो दय्का कन्ह्यः झोला व टुम्लेट ज्वना वाः धका धासे बम दयकेगु स्यना च्वंगु किपा जिमिके दु,” वयकः धयादीगु दु, “थज्यागु गतिविधि लिपा लिपा न जुइके मज्यु। उकिइ भिडियो स्वयागु इलय् जिमिसं एआई व वास्तविक सामग्री छुट्य यायेत पिनेयापि विज्ञ तय्गु ग्वहासल कयागु दु।”

प्रतिवेदनय् प्रधानमन्त्री व नेपाली सेनायात उन्मुक्ति बिइगु धइगु न्ह्यसःया लिसलय् डा. थापां तथ्य व प्रमाणया आधारय् जक सिफारिस यानागु धका धयादीगु खः। 

Categorized in राष्ट्रिय