राष्ट्रिय मानव अधिकार आयोगं भदौ २३ व २४ गते जूगु जेनजी आन्दोलनय् गनं गोली कये कूगु व सुनां कयेकूगु धायेमफुगु धका धाःगु दु।

नेपाली कांग्रेसया पार्टी केन्द्रीय कार्यालयय् ग्वसाः ग्वंगु छगु ज्याझ्वः दथुइ आयोगपाखे गठन याना तःगुलि ‘भदौ २३ व २४ गते आन्दोलन जाँचबुझ समिति’या संयोजक नाप आयोग सदस्य डा. लिली थापां गोली सूना कय्कूगु, गज्यागु गोली गनं वःगु खः? धइगु बालाक सिकेमफु धका धाःगु दु।

आयोगं ब्यालेस्टिक व फरेन्सिक रिपोर्टया आधारय् गुलि मिलिमिटरया गोली छ्यगु दु धइगु प्राविधिक तथ्य लुइके फुसा गोली चले याम्ह मनूयात म्हसिकेत हाथ्या दु धका धाःगु दु। अनुसन्धानया भ्वलय् वःगु फरेन्सिक रिपोर्टयात आयोगं थःगु हे विशेषज्ञ डा. हरिहर वस्तीपाखे विश्लेषण यागु खः।

वयकःया कथं प्रदर्शनकारीयात लागु अप्पो थे गोली छाती व प्वाथय् च्वय् थ्यकं लागु दु धका धयादीगु दु।

Categorized in राष्ट्रिय