पद्मरत्न लुमन्ति गुथिया दुजः सांसद कुलभक्त शाक्य वंगु आम निर्वाचनय् नेकपा एमाले पाखें आदिवासी जनजाति पुचलं प्रतिनिधि सभाया समानुपातिक दुजः जुयादीगु लसताय् गुथिपाखें छगू ज्याझ्वः याना भिंतुना देछा देछागु ज्या जुगु दु।

गुथिया नायः डा.केशव मान शाक्यया सभाध्यक्षताय् जूगु उगु ज्याझ्वलय् माननीय कुलभक्त शाक्ययात नेवाः परम्परा कथं ख्येँ सगं बियाँ हंगु खः।गुथिया छ्यान्जे नरेशबीर शाक्यं न्ह्याकादीगु उगु ज्याझ्वलय् पद्मरत्न तुलाधरया म्ह्याय् पद्मरत्न लुमन्ति गुथिया न्वकु पूर्व राजदूत सुम्निमा तुलाधरं थःपिन्त अबु पद्मरत्नं क्यनाथःकुगु लँपु लिना न्ह्यावना राजनीतिक जीवनय् तधंगु उपलब्धि हासिल जूगु खँ कनादिल।

ज्याझ्वलय् माननीय शाक्यं पद्मरत्नलिसे झिदँतक प्रेसय् ज्या यानागु व व धुंका राजनीतिक अभियानय् नापनापं जुइखँगु धइगु हे छगू तःधंगु उपलब्धि खः धका धयादिल।

Categorized in राष्ट्रिय