नेपालभाषाया संगीत व संकिपा ख्यलय् लोकंह्वाम्ह गायक व मोडल कलाकार आः म्युजिक भिडियोया निर्देशन ख्यलय् पलाः न्ह्याकूगु दु। अमोघवीरया निर्देशनय् एएम कृयशनया न्ह्यब्वयाः न्हूगु म्युजिक भिडियो पिदंगु दु।

अमोघवीर वज्राचार्यया हे रचना व संगीत दुगु थ्व म्येयात भुपेन्द्र वज्राचार्यं एरेन्ज, फिरोज वज्राचार्यं रिकर्ड, मिक्सिङ्ग व मास्टरिङ्ग यानादीगु खःसा थिमिया चन्द्रकृष्ण प्रजापति हालादीगु खः। ‘गुलि जक बांलाम्ह मय्जु’ खँ ग्वःया थ्व म्युजिक भिडियोय् मू कलाकार कथं अमोघवीर वज्राचार्य व सलोना वबज्राचार्य म्हितादीगु दुसा सहायक कलाकारपिं श्रुयति शाक्य व भेष महर्जन म्हितादीगु दु।

क्यामेरा व एडिट अमर चित्रकारं यानादीगु थुगु भिडियोया श्रृगार रुपा मानन्धर व कोरियोग्राफर रुबि लामा यानादीगु खः। थुगु म्युजिक भिडियोया अवधारणा व निर्देशन नं न्हापांखुसी अमोघवीर वज्राचार्य यानादीगु खः।

Categorized in मनोरन्जन