फिलिपिन्सया मिन्डानाओया दक्षिणी तटय् सोमबाm वंगु ७.८ म्याग्निच्युडया भुखाचं यानाः म्होतिं पीन्याम्ह सीगु राष्ट्रिय विपद् जोखिम न्यूनीकरण लिसें व्यवस्थापन परिषद् (एनडीआरआरएमसीं) बुधबाः धाःगु दु।

एनडीआरआरएमसीया कथं अझं झिंन्हय्म्ह बेपत्ता जुयाच्वंगु दुसा ४८७ म्ह घाःपाः जूगु दु। एनडिआरआरएमसीं भुखाचं यानाः ३३ द्वः सिबें अप्वm छेँजःया थ्यंमथ्यं छगू लख ५० द्वः मनूतय्त लिच्वः लाकूगु धाःगु दु। भुखाचं यानाः अस्पताल, ब्वनेकुथि व तांत लिसें २३८ गू पूर्वाधार सुविधात क्षतिग्रस्त जूगु एनडीआरआरएमसीं धाःगु दु।

मिन्डानाओया अप्वः धयाथें ब्वः व मध्य फिलिपिन्सया छुं छुं थासय् कम्पन वाः चायेकूगु व मू कम्पन लिपा १७०० क्वः सिबें अप्वः पराकम्पत रेकर्ड याःगु धयातःगु दुसा प्रभावित क्षेत्रय् खोजी लिसें उद्धार ज्या अझं न्ह्यानाच्वंगु धाःगु दु। भुखाचं हताहत, विस्थापन व पूर्वाधारया क्षतिया सन्दर्भय् दकसिबे अप्वः लिच्वः लाकूगु लागात सारङ्गनी व दक्षिण कोटाबातो प्रान्तत खः, थन थ्यंमथ्यं न्हय्गू लख जनसङ्ख्या दूगु एनडीआरआरएमसीं धाःगु दु।

फिलिपिन्स इन्स्टिच्युट अफ भोल्कानोलोजी एन्ड सिसमोलोजीया कथं स्थानीय ई कथं सुथसिया ७ः३७ य् ३३ किलोमिटर क्वय् भुखाय् ब्वःगु खःसा थुकिया केन्द्र–बिन्दु मिन्दानाओ टापुया सारङ्गनी प्रान्तया मासिम सहरया तटपाखें ३२ किलोमिटर दक्षिणपश्चिमय् लाःगु धयातःगु दु। 

Categorized in अन्तर्राष्ट्रिय