बौध्द युवा कमिटीं यल महानगरपालिका संस्कृति, पर्यटन लिसे उद्योग समितिनाप सहकार्य याना यलय् थीथी थासय् बौद्ध जागरण शिविर न्ह्याकुगु खः।

थौ शनिबार पाटन दरबारय् दुने भण्डारखाल बगैचा, सत्यमोहन जोशी सभाहलय् यल महानगरपालिका संस्कृति, उद्योग समिति सदस्य नाप यल महानगरपालिका वडा अध्यक्ष रूपेन्द्रराज शाक्यं ग्वहाली यापिन्त सुभाय् पौ लःल्हानादीगु खः।

उगु ज्याझ्वलय् नुँगः खँ तयेगु झ्वलय् मूपाहाँ शाक्यं तथागत गौतम बुध्दया व्यावहारिक, वैज्ञानिक व मानवतावादी ज्ञान युवावर्ग नाप समुदाययात ज्ञान थ्यकेत थज्यागु शिविर प्रभावकारी जुइ धका धयादीगु खः।

उगु शिविरय् न्हापागु दिं जयमनोहर महाविहार सुबहाल, वया लिपागु निगु शिबिर त्यमोहन जोशी सभाहलय् जूगु खः।

शिविरय् न्हापागु दिनय् भिक्षु कौण्डन्य महास्थविर, बौभिचर्या नेपालया अध्यक्ष अनिल शाक्य, बौध्द व्यक्तित्व विश्वन्तर शाक्य व सुनील महर्जन स्रोत व्यक्ति जूयादीगु खः। उगु शिविरं करिब स्वसः स्वया अप्पो मनूत लाभान्वित जूगु दु धका बौध्द युवा कमिटीया अध्यक्ष सतिश शाक्यं जानकारी बियादीगु खः।

Categorized in राष्ट्रिय