नेवाः पत्रकार राष्ट्रिय दबू काभ्रे जिल्ला शाखाया न्याक्वःगु अधिवेसन थौ जूगु दु। थौ जुगु उगु अधिवेसनं शम्भुलाल श्रेष्ठयात अध्यक्षय् सर्वसम्मतं ल्यःगु दु।

अथेहे उपाध्यक्षय् प्रकाश बहादुर कायस्थ व मिसा उपाध्यक्षय् भारतीदेबी श्रेष्ठयात ल्यःगु खः। सचिवय् दिलिपकुमार श्रेष्ठ, सहसचिवय् धुब्रकुमार ताम्रकार व बिपश्यना शाक्ययात ल्यःगु खःसा कोषाध्यक्षय् राज्यलक्ष्मी श्रेष्ठयात ल्यःगु खः।

दुजलय् राम लाल ताम्रकार व बिकुनारायण ताम्रकारयात ल्यःगु दु। केन्द्रिय पार्षदय् मोहन दुवाल व सुर्यप्रसाद लाकोल अथेहे प्रदेश पार्षदय् पुनमाया श्रेष्ठ व बिश्वनाथ ताम्रकारयात ल्यःगु खः।

पत्रकार दबू केन्द्रपाखे निवर्तमान नायः सुरजबीर बज्राचार्य, उपाध्यक्ष सुरेन्द्रभक्त श्रेष्ठ, महासचिव केके मानन्धर व कोषाध्यक्ष बाबुकाजी साछेँ श्रेष्ठं ब्बति काःगु खः।

पत्रकार दबूया केन्द्रिय महाधिवेसन थ्व हे वइगु भाद्र १९ व २० गते गोरखाया भिमसेन थापा गाउपालिका ५, मिलन बस्ती यायेगु तयारी दु।

Categorized in राष्ट्रिय