नेपाल बुद्धिचाल महासंघया ग्वसालय् २६ क्वःगु राष्ट्रिय मिजं तयेगु व ११ क्वःगु मिसा राष्ट्रिय बुद्धिचाल कासा झापाया दमकस्थित होटल कामाक्ष्यय् न्ह्यागू दु।

प्रदेश खेलकुद विकास वोर्ड, कोशी प्रदेश नाप झापा जिल्ला बुद्धिचाल संघया मंकां ग्वसालय् खुन्हु तका न्ह्याइगु जुगु दु। थौ आईतवाः न्हापागु चरणय् नर्सिङ श्रेष्ठ, एफएम रुपेश जैसवाल व आशीष फूयाँलं त्याकूगु दु। ज्वाला इम्बुङ, सिएम सुश्रुत दाहाल, राजन सुवेदी, रिशोन थापा, सिएम पुरुषोत्तम चौलागाईं व धिरेन राईपि बराबरी म्हिता ०.५ ल्याः काउगु दु।

अथेहे मिसापाखे प्रिया क्षेत्री, निहाना श्रेष्ठ, सुशिला गुरुङ, कृतिसारा अधिकारी नाप बिनिता कपालीपि त्याःगु दु सा पुनम प्रसाईं व प्रविशा दवाडीे बराबरी जूया ०.५ ल्या काउगु दु।

कासाय् प्यम्ह शीर्ष कासामिपि नाप वर्तमान राष्ट्रिय विजेता याना निगु विधाय् न्याम्ह न्याम्ह कासामिपि वइगु सेप्टेम्बरय् जुइगु ४६ क्वःगु चेस ओलम्पियाडय् नेपाःपाखे ब्बति कायेखनिइ।

Categorized in कासा