वंगु २४ घौया दुने निद्वः व ४०८ म्ह सवारीचालक सवारी नियम उल्लङ्घनया कारबाहीलय् लाःगु दु। उकिया पाखें राज्यकोषय् प्यंगू लख ५८ द्वः तका राजस्व दाखिला जूगु दु।

काठमाडौँ उपत्यका ट्राफिक प्रहरी ज्याकुथिया कथं मादकपदार्थ सेवन याःपिं १४० म्ह, नियम अःखः ‘राइड सेयरिङ’ याःपिं ११६ म्ह, सङ्केत मत हाचां गाःपिं १३८ म्ह व तःगतिइ सवारीसाधन न्ह्याकूपिं २८४ म्हेसित कारबाही याःगु खः।

अथे हे, ‘लेन’ अनुशासन पालना मयापिं ८५ म्ह, निषेधित थासय् हर्न न्यायेकूपिं १०६ म्ह, सतक पेटीइ सवारीसाधन ‘पार्किङ’ याःपिं १२४ म्ह, छखेरं जकया सतकय् अःखतं सवारी न्ह्याकूपिं ११६ म्ह व मेमेगु सवारी नियम पालना मयाःपिं द्वःछि व ३३५ म्हेसित कारबाही याःगु खः।

Categorized in राष्ट्रिय