येँ महानगरपालिकां थ्व हे वइगु असार ५ गतेनिसे २६ गते तक शुक्रवाः व शनिवाः सार्वजनिक थाय्, पार्क, दबूलिइ व चुकः चुकय् ‘त्वाः त्वालय् संकिपा महोत्सव’ याइगु जुगु दु।

महानगरं छगु पत्रकार सम्मेलनयासे महोत्सव चिं सार्वजनिक याःगु दु।महानगरया कथं महोत्सवया उलेज्या असार ५ गते खुलामञ्चय् व असार ६ गतेय् भेहिकल फ्री असन क्षेत्रय् सञ्चालन याइगु जुगु दु। नेपाली चलचित्र क्षेत्रउा विकास व विस्तार यायेत योगदान बिइगु व रचनात्मक उद्योगयात समुदायनाप स्वायेग उद्देश्यं थुगु ज्याझ्वः यायेत्यनागु धका महानगरं धाःगु दु।

महोत्सव अन्तर्गत लघु चलचित्र नाप चलचित्र प्रदर्शन, कला व रचनात्मक उद्योग सम्बन्धी संवाद, सांस्कृतिक नाप सिर्जनात्मक ज्याझ्वलय्, स्थानीय नसाँ न ब्बज्या यायेत्यःगु खः। चलचित्र प्रदर्शनया निति एलईडी स्क्रिन, साउण्ड सिस्टम नापं क्युरेटरया व्यवस्था महानगरया सम्पदा लिसे पर्यटन विभागं व स्थानीय युवा तयेस व्यवस्थापन याइगु जुगु दु।महानगरं वइगु दिं अन्तर्राष्ट्रिय फिल्म महोत्सवनाप स्वाना थुगु ज्याझ्वः यायेत्यःगु खः।

महानगरया प्रवक्ता नविन मानन्धरं पितबिउगु विज्ञप्तिइ त्वाः त्वालय फिल्म महोत्सवं महानगर याःगु रचनात्मक सहर यात्राय् प्रारम्भिक पलाः जुइगु धका धासे थुकियात ताः लाकेत सञ्चारमाध्यम, चलचित्रकर्मी नाप सरोकारवाला तयेगु ग्वहालि जुइगु भलसा कयातःगु दु।

Categorized in मनोरन्जन