फिफा विश्वकप–२०२६ अन्तर्गत थौं जूगु कासाय् न्यूजिल्यान्ड व इरान दथुया कासा बराबरीइ क्वचाःगु दु।अमेरिकाया क्यार्लिफोर्नियाय् च्वंगु लस एन्जलस स्टेडियमय् थौं जूगु कासाय् न्यूजिल्यान्ड व इरान दथुया कासा २–२ गोलया बराबरीइ क्वचाःगु खः।

न्युजिल्यान्डया इलाइजा जस्टं कासाया न्हय्गूगु मिनेटय् गोल यानाः पुचःयात न्ह्यने यंकूगु खः । उकिया लिपा इरानं कासाया ३२ गूगु मिनेटय् रेजाइयानया तसकं बांलाःगु गोलपाखें कासायात बराबरीइ थ्यंकल।

कासाया निगूगु हाफया ५४ गूगु मिनेटय् जस्टं थःगु व्यक्तिगत निगूगु गोलपाखें न्युजिल्यान्डयात २–१ ल्याखं न्हयने लाकल। उकिया लिपा कासाया ६४ गूगु मिनेटय् इरानया मोहम्मद मोहब्बीं हेडपाखें गोल यानाः धेंधेंबल्लायात २–२ गोलया बराबरीइ हल।

Categorized in कासा