मध्य इन्डोनेसियाय् मङ्गलबाः ६.७ म्याग्निच्युडया भुखाय् ब्वःगु अमेरिकी भूगर्भीय सर्वेक्षणं धाःगु दुसा आःतक छुं नं कथंया मानवीय बाय् भौतिक क्षतिया रिपोर्ट वःगु मदुनि।

मध्य सुलावेसी प्रान्तया पालुया दक्षिणपूर्वय् स्थानीय ई कथं सुथसिया १०ः२७ ताः इलय् भुखाय् ब्वःगु धयातःगु दु।इन्डोनेशियाया मौसम विज्ञान, जलवायु विज्ञान व जियोफिजिक्स एजेन्सीया कथं भुखाय् पालू व सिगीइ तःच्वकलं वाः चायेकूगु खः, अथे खःसां सुनामीया ग्याःचिकु धाःसा मदूगु धयातःगु दु।

दक्षिणपूर्वी एशियाली राष्ट्र इन्डोनेसियाया विशाल द्वीप समूह, प्रशान्त “रिंग अफ फायर” लिसेंया थुकिया पारिस्थितिया हुनिं इलय् ब्वलय् भुखाय् ब्वइगु यानाच्वंगु धाःगु दु।

Categorized in अन्तर्राष्ट्रिय