कप्तान लियोनल मेसीया ह्याट्रिकय् अर्जेन्टिनां अल्जेरियायात बुकाः फिफा विश्वकप– २०२६ या थःगु धेंधेंबल्लायात न्ह्यने न्ह्याकूगु दु।

अमेरिकाया कान्सास सिटी रङ्गशालाय् थौं सुथय् जूगु कासाय् अर्जेन्टिनां अल्जेरियायात ३–० गोल अन्तरं बुकाः थःगु कासा त्याकूगु खः। वंगु विश्वकपया च्याम्यियन अर्जेन्टिनाया निंतिं कप्तान मेसीं थुगु सिजनया न्हापांगु ह्याट्रिक पूवंकूगु खः। थुगु सिजनया थ्वसिबें न्ह्यःया छगू नं कासाय् सुं नं कासामिं ह्याट्रिक यायेफूगु मदुनि।

मेसीं धेंधेंबल्लाया न्हापांगु हाफया १७ गूगु मिनेटय् अर्जेटिनाया निंतिं न्हापांगु गोल यात। अथे हे, धेंधेंबल्लाया ६० गूगु मिनेटय् निगूगु व कासाया ७६ गूगु मिनेटय् ह्याट्रिक पूवंकल । थौंया कासाय् त्याःगु लिसें समूह ‘जे’ लय् लाना च्वंगु अर्जेन्टिना स्वंगू ल्याः ज्वनाः दकसिबें च्वये लाःगु दु।

Categorized in कासा