फिफा विश्वकप फुटबल धेंधेंबल्ला अन्तर्गत थौं क्वचाःगु समूह ‘आई’या कासाय् फ्रान्सं सेनेगलयात ३–१ गोलं बुकूगु दु।

अमेरिकाया न्यूयोर्कय् च्वंगु न्यू जर्सी रङ्गशालाय् जूगु कासाया न्हापांगु हाफ बराबरीइ क्वचाःगु खःसां निगूगु हाफय् धाःसा निगूलिं पुचःया पाखें यानाः मुक्कं प्यंगू गोल जुल। कासाया ६६ गूगु मिनेटय् फ्रान्सया निंतिं किलियन एम्बाप्पें गोल यानाः पुचःयात न्ह्यने यंकेत ताःलात सा कासाया ८२ गूगु मिनेटय् ब्राड्ली बारकोलां गोल यानाः फ्रान्सया गोल ल्याः निदुगं अप्वयेकल।

निगूगु हाफया इन्जुरी इलय् सेनेगलया निंतिं हःपाः गोल इब्राहिम एम्बापें यानाः कासायात २–१ या अवस्थाय् हल। उकिया छुं ई लिपा हे फ्रान्सया निंतिं एम्बाप्पें व्यक्तिगत निगूगु गोल यानाः कासा ३–१ य् थ्यंकल।

Categorized in कासा