त्वाः त्वालय् संकिपा महोत्सव जुयाच्वंगु दु। वंगु असार ५ गतेनिसें न्ह्याःगु महोत्सव २६ गतेतक न्ह्याइगु धयातःगु दु।

येँ महानगरपालिकां ‘काठमाडौँ फिल्म फेस्टिभल’ (केएफएफ) अन्तर्गत उगु महोत्सव न्ह्याकूगु खः। चकंदबू, असं, सुन्धारा लागा, बागबजाः, मैतीदेवी देगः लागाया चकंगु ख्यः, बालाजु बाइपास, लगं त्वाः व यट्खा बहाःया भाष्कर कीर्ति महाविहारय् महोत्सव जुयाच्वंगु दु।

महोत्सव चलचित्र विकास बोर्ड, ब्रिटिस काउन्सिल, नेपाल फिल्म एकेडेमी व युनेस्कोया मंकाः ज्याय् जुयाच्वंगु ख। मनूतय्त छगू सूत्रय् दुथ्याकेगु बांलागु माध्यम कला व तजिलजि जूगुलिं महोत्सव गर्न यानाच्वनागु धकाः महोत्सवया व्यवस्थापक आयुषा श्रेष्ठं धयादिल।

वय्कलं चकं दबूपाखें न्ह्याःगु महोत्सवं स्वकुमिपिंत कलाप्रति आर्कषण यानाः वःगु जानकारी बियादिल।

Categorized in मनोरन्जन