जर्मनीयात बुकाः इक्वेडर फिफा विश्वकप फुटबल धेंधेंबल्लाया नकआउट चरणय् वंगु दु। अमेरिकाया न्युयोर्क न्यु जर्सी स्टेडियमय् थौं जूगु कासाय् जर्मनीयात २–१ गोलं बुकाः इक्वेडर नकआउट चरणय् दुहाँवंगु खः।

कासाय् न्हापां अग्रता धाःसा जर्मनीं काःगु खः। कासा सुरु जूगु निगूगु मिनेटय् लेरोय सानें गोल यानाः जर्मनीयात न्ह्यःने लाकूगु खः।अनंलिपा कासाया गुगूगु मिनेटय् इक्वेडरया निल्सन एङ्गुलों गोल यानाः कासायात १–१ गोलया बराबरीमा हल।कासाया निगूगु हाफया ७७ गूगु मिनेटय् इक्वेडरया मेम्ह कासामि लियो गोन्जालो प्लाटां गोल यानाः इक्वेडरयात अग्रता बिल। अनंलिपा कासाय् मेगु गोल जुइ मफुत व इक्वेडरं जर्मनीयात त्याकूगु खः।

थ्वहे दथुइ थौं हे जूगु थ्व हे पुचःया मेगु कासाय् कुरासाओयात त्याकाः आइभरी कोस्टं नकआउट चरणया यात्रा सुनिश्चित याःगु खः।आइभरी कोस्टं कुरासाओ विरुद्ध २–० गोलं त्याकूगु खः। कासाय् आइभरी कोस्टया निंतिं निगुलिं गोल निकोलस पेपें यात। वं कासाया न्हय्गूगु मिनेट व ६४ गूगु मिनेटय् गोल याःगु खः।

पुचः ‘इ’ य् इक्वेडरलिसे बुनाः जर्मनी ६ ल्याः दयेकाः विश्वकपया नकआउट चरणय् दुहाँवंगु खः धाःसा समान ल्याः दयेकूगु आइभोरी कोस्ट गोलअन्तरया आधारय् निगूगु थासय् लानाः नकआउटय् दुहाँवंगु खः।

अथेहे इक्वेडर नं स्वगूगु थासय् लाःगु टोली मध्ये च्वन्ह्याःगु ८ गुली लानाः नकआउट चरणय् दुहाँ वंगु खः। इक्वेडरं प्यगू ल्याः दयेकेफत। छगू ल्याः दयेकूगु कुरासाओ धाःसा धेंधेंबल्लां पिहाँवन।

Categorized in कासा