फिफा विश्वकप फुटबल धेंधेंबल्लाय् अष्ट्रेलिया पुचः ‘डी’या उपविजेता जुयाः नकआउट चरणय् दुहाँवंगु दु।

अमेरिकाया सान फ्रान्सिस्को वे एरिया रंगशालाय् क्वचाःगु कासाय् पाराग्वेलिसे गोलरहित बराबरी म्हिताः अष्ट्रेलिया नकआउट चरणय् दुहाँवंगु खः। पुचः ‘डी’पाखें प्यगू ल्याः ताःलाकूगु अष्ट्रेलिया पुचःया उपविजेता जुयाः नकआउटय् दुहाँवंगु खः।

अथेहे ६ ल्याः लिसें शीर्ष थासय् लाःगु अमेरिका पुचःया विजेता कथं नकआउट चरणय् थ्यंगु खः। अष्ट्रेलियालिसे बराबरी म्हितूगु पाराग्वे धाःसा नकआउट चरणय् थ्यनीगु सम्भावना दनि। उगु हे पुचलय् च्वंगु टर्की ३ ल्याः लिसें धेंधेंबल्लां पिहाँवंगु खः।

थौं हे जूगु मेगु कासाय् टर्कीं अमेरिकायात ३–२ गोलं बुकूगु खः। थ्व स्वयां न्ह्यः निगू कासाय् त्याःगु अमेरिका शीर्ष थासय् लानाः पुचःया विजेता जुल।

Categorized in कासा