अर्जेन्टिनां थौं सुथय् जूगु जोर्डनविरूद्धया धेंधेंबल्लाय् ३–१ गोलं त्याकूगु दु। थौंया कासाया लिच्वः लिसें आः प्रि–क्वार्टरफाइनल अर्जेन्टिना व केप भर्डे दथुइ जुइगु जूगु दु।

धेंधेंबल्लाया न्हापांगु ई बेञ्चय् च्वनाच्वंम्ह अर्जेन्टिनी फुटबल कासामि लियोनेल मेस्सीं जोर्डनविरूद्ध याःगु गोल लिसें वय्कः थुगु विश्वकपय् आः तक दकसिबे अप्वः गोल याम्ह कासामि जुयादीगु दु। उत्तर अमेरिकाय् न्ह्याना च्वंगु थुगु विश्वकपया लिपांगु ३२ गू पुचलय् दुहांवंगु लिसें मेस्सी दकसिबें अप्वः गोल याःम्ह कासामिया कथं न्ह्यने लानाच्वंगु दु व वय्कःया गोल ल्याः अझं अप्वःगु खनेदूगु दु।

अर्जेन्टिनां समूह जेया स्वंगुूलिं कासाय् त्याकाः पूवंकं गुंगू ल्याः ज्वनाः च्वकाय् लाना च्वंगु दु। थ्वसिबें न्ह्यःया निगू कासाय् अर्जेन्टिनां अल्जेरियायात ३–० व अस्ट्रियायात २–० गोलं बुकूगु खः, थ्वसिबें न्ह्यःया निगूलिं कासाय् मेस्सी याकचां फुक्कं गोल याःगु खः। डिफेन्डिङ च्याम्पियन अर्जेन्टिनाया ३९ दँ दुम्ह मेस्सीया पुचः कमजोर पुचः खने दुसां नापं तसकं बांलाक्क म्हितूगु खनेदूगु दु।

यक्वः हे कासामि हिलाबुला याःगु अर्जेन्टिनां न्हापांगु हाफय् जोभानी लो सेल्सोया फ्री–किक व लाउतारो मार्टिनेजया पेनाल्टी पाखें निगू गोल याःगु खः।निगूगु हाफया १० गूगु मिनेटय् मुसा अल–तमारीं जोर्डनया निंतिं छगू गोल यात। जोर्डनया निंतिं थुगु विश्वकपया यात्रा थ्वसिबें न्ह्यः हे क्वचाये धुंकूगु खः। थौंया कासाया निंतिं अर्जेन्टिनाया प्रशिक्षक लियोनेल स्कालोनीं गुम्ह कासामि ह्यूगु खः। अस्ट्रियाविरुद्धया कासा त्याके धुंकाः जक गोलकिपर इमिलियानो मार्टिनेज व फरवार्ड लाउतारो मार्टिनेजयात पुचलय् हःगु खः।

जोर्डान अल्जेरिया व अस्ट्रियालिसेया कासा बुनाः थ्वसिबें न्ह्यः हे धेंधेंबल्लां पिहांवने धुंकूगु खः, अथे जुयाः थौंया कासाया लिच्वलं जोर्डनयात छुं पाइगु मखूगु खः। अर्जेन्टिनाया पुचःयात कडा धेंधेंबल्ला दु व स्कालोनीं पुचःयात फ्रान्स व मंकाः ग्वसाः खलः मेक्सिको नापनापं गुंगू ल्याः लिसें धेंधेंबल्लाय् न्ह्यने यंकेगु मंतःगु खः।

अर्जेन्टिनां सन् १९६२ या ब्राजिल लिपा थित्तुंथिक्क निक्वः तक विश्वकप त्याइगु न्हापांगु पुचःया आज्जु तयाः केप भर्डेविरुद्धया कासा न्ह्यः ‘सरप्राइज प्याकेज’ बिइत स्वःगु दु।

Categorized in कासा