नेवाः पत्रकार राष्ट्रिय दबू यल कचाया न्याक्वःगु अधिवेसन छगु ज्याझ्वः दथुइ मूपाहाँ दबूया केन्द्रिय न अध्यक्ष नृपेन्द्रलाल श्रेष्ठं उलेज्या यानादीगु खः।

उगु ज्याझ्वलय् नेपाल पत्रकार महासघ यल जिल्लाया अध्यक्ष रामहरि कार्कि, फोनिज उपत्यका प्रदेश कमितिया अध्यक्ष प्रशान्त माली, नेपालभाषा मंकाः खलःया अध्यक्ष महेन्द्र महर्जन, पत्रकार दबूया केद्रिय निवर्तमान अध्यक्ष सुरजबीर बज्राचार्य नाप पत्रकार दबू यल जिल्लाया सल्लाहकार सुरेश प्रधान पाहाँ कथं ब्बति काःगु खः। अथेहे नेवाः पत्रकार राष्ट्रिय दबू यल कचाय् न्हुगु ज्यासना पुचलय् मञ्जु बज्राचार्ययात हे नायः कथं ल्यःगु खः।

शनिवाः यलय् जूगु दबूया न्याक्वःगु तःमुँज्यां मञ्जु बज्राचार्ययात सर्वसम्मति कथं नायः पदय् ल्यःगु ख। तःमुँज्या न्ह्यः पत्रकार दबू यल कचाया झिंप्यक्वःगु दँ मुँज्या नं जूगु दु। दँ मुँज्याय् यल जिल्लां सनि शाक्य, रामराजा बज्राचार्य व नरेश महर्जनयात सक्रिय संचारकःमिपिन्त हनेज्या नं याःगु खः।

पत्रकार दबू यल कचाया न्याक्वःगु उगु तःमुँज्यां न्वकू पदय् लक्ष्मीकुमारी श्रेष्ठ व बि के जल्मी (बाबु काजी महर्जन) यात ल्यःगु दुसा छ्यान्जे पदय् पवित्र कुमार महर्जन, लिउ छ्यान्जे पदय् विनोद महर्जन, दाँभरि पदय् कल्पना महर्जनयात ल्यःगु दु। अथेहे ज्यासना पुचःया दुज पदय् हर्क बहादुुर श्रेष्ठ, बिक्रम खडगी, रेगीशा महर्जन, रजत शाही, बिक्रम महर्जन व रामराजा बज्राचार्यपिन्त ल्यःगु खः ।

निर्वाचन कमितिइ संयोजक सुरेन्द्र भक्त श्रेष्ठ दुजलय् राजु नापित व उत्तमकुमार श्रेष्ठ च्वनादीगु खः।

Categorized in राष्ट्रिय