दक्षिण अफ्रिकायात बुकाः क्यानडा फिफा विश्वकप फुटबल २०२६ या लिपांगु १६ पुचलय् थ्यंकूगु दु। अमेरिकाया लस एन्जलस रङ्गशालाय् थौं जूगु न्हापांगु नकआउट धेंधेंबल्लाय् दक्षिण अफ्रिकायात १–० गोलअन्तरं बुकाः क्यानडा प्रिक्वार्टरफाइनलय् थ्यंकूगु खः।

क्यानडाया निंतिं स्टेफेन युस्टाकियों निर्णायक गोल यात । वय्कलं कासाया निगूगु हाफया इन्जुरी इलय् याःगु गोल हे निर्णायक जूवन। थुकिया लिसें स्वक्वःगुखुसी विश्वकप म्हिताच्वंगु क्यानडा न्हापांगुखुसी लिपांगु १६ गू लिइ थ्यनेत ताः लात।

थ्वसिबें न्ह्यःया विश्वकपय् क्यानडा समूह चरण पाखें हे पिहांवंगु खः। क्यानडा समूह ‘बी’ लय् निगूगु थासय् लिसें दक्षिण अफ्रिका समूह ‘ए’ पाखें उपविजेता जुयाः नकआउट चरणय् थ्यंकूगु खः।

Categorized in कासा