येँमपा १८ वडा थीथी सम्मान येँमपा १८ वडाया ग्वसालय् सम्मान नाप सांस्कृतिक ज्याझ्वः असार १३ गते किलाघः व १४ गते ताम्सिपाखाय् क्वचाल।

थुगु ज्याझ्वलय् १८ वडालिसें देय् विकासय् योगदान बियादीपिं १८ म्हेसित हनेज्या याःगु खः। हनेज्याया झ्वलय् संगीतपाखे स्वर–सम्राट नारायण गोपाल गुरुवाचार्य स्मृति सम्मानपाखें बालकृष्ण सजिब, योगेश वैद्य स्मृति सम्मानपाखें अनिल शाही व मोहनसुन्दर श्रेष्ठ स्मृति सम्मानपाखें सुरेन्द्र महर्जनयात हंगु दु।

थुकथं हे समाजसेवापाखे मोतिलक्ष्मी उपासिका स्मृति सम्मानं प्रेमा शाक्य, पि.एल. सिंह स्मृति सम्मानं हरिकृष्ण डंगोल, चन्द्रानन्द नेवाः स्मृति सम्मानं डा. सानुराजा महर्जन, मोहनकृष्ण डंगोल स्मृति सम्मानं अशोकमान श्रेष्ठ, ईन्द्र महर्जन स्मृति सम्मानं धन बहादुर महर्जन तिमिला, प्रमोद पाण्डे स्मृति सम्मानं राजेन्द्र शाक्य, धामी लक्ष्मी नारायण महर्जन स्मृति सम्मानं राजेन्द्र रजक, सत्यमान श्रेष्ठ स्मृति सम्मानपाखें नातिकाजी महर्जन (सर), नाति–हेराकाजी महर्जन स्मृति सम्मानं वरिष्ठ पत्रकार नातिकाजी महर्जन, टेक नारायण श्रेष्ठ स्मृति सम्मानं इ.मचाकाजी महर्जन, आयुर्वेद चिकित्सा स्मृति सम्मानं महेन्द्र शाहि लःल्हागु खः।

अथेहे गोपालदास श्रेष्ठ स्मृति सम्मानं पुस्करभक्त माथेमा, कालिदास श्रेष्ठ स्मृति सम्मानं चन्द्रा श्रेष्ठ, चित्तधर हृदय स्मृति सम्मानं वरिष्ठ साहित्यकार राजा शाक्य व वडा स्मृति सम्मानं स्वयम्भुमान तुलाधरयात हंगु खः। ज्याझ्वलय् वडा अध्यक्ष न्हुच्छेकाजी महर्जनं हनेज्यां न्हूपुस्तायत समाज विकासय् योगदान बीत हःपाः बीगु भलसा प्वंकादिल।

थीथी लोकंह्वाःपि कलाकारपिनिलिसें स्थानीय कलाकारपिनि कला न्ह्यब्वःगु ज्याझ्वः न्ह्याकेज्या वडा दुजःहेराशोभा महर्जनं यानादीगु खः ।

Categorized in राष्ट्रिय