येँ महानगरपालिका २४ वडापाखें २५ म्ह राष्ट्रिय अन्तर्राष्ट्रिय व्यक्तित्वपिन्त हनेज्या याःगु दु। येँ मनपा २४ वडाया नायः विनोदकुमार राजभण्डारीया सभानायःसुइ द्वारिका छेँय् जूगु ज्याझ्वलय् वडाय् स्थायी बसोबास यानाच्वनादीपिं व्यक्तित्वपिन्त हनेज्या याःगु खः।

ज्याझ्वलय् थःगु ज्ञान, शीप, कला, संस्कृति, कासा, प्रशासन, कूटनीति, स्वास्थ्य, व्यवसाय व समाजसेवा ख्यलय् विशेष योगदान बियादीपिन्त थुकथं हनेज्या याःगु खः। हनेज्याया झ्वलय् कूटनीतिक सेवापाखें केदारभक्त श्रेष्ठ व डा. दुर्गेशमान सिंह, प्रशासनपाखें पशुपतिभक्त महर्जन, भुवनेश कुमार प्रधान, उद्योग व्यवसायपाखें रविभक्त श्रेष्ठयात हंगु खः ।

थथेहे कासामि कमल चित्रकार, पलेसा गोवद्र्धन, बद्रीलाल नेपाली, सगेन्द्र सिंह, छोरी डंगोल, प्रविण तुलाधर, रमेश शाक्य, राजेश महर्जन, नविता श्रेष्ठ, राकेश महर्जन व नीरा राजोपाध्याययात हनेज्या याःगु खःसा स्वास्थ्य सेवाय् डा. दीपक मान सिं व प्रा.डा. बलराम श्रेष्ठयात हनेज्या याःगु खः । सामाजिक सेवापाखें इन्द्रमान सिंह, राजेन्द्रराम श्रेष्ठ व शरदकृष्ण श्रेष्ठ, विद्युत इञ्जिनियर दिल्ली रत्न शाक्ययात व कलाकारपाखें नरेन्द्र कंसाकार, गोपालकृष्ण महर्जन व संगीता शाक्ययात हनेज्या याःगु खः ।

ज्याझ्वलय् येँ मनपा २४ वडाय दुजःपिं सुनिता महर्जन, कृष्णमान डंगोल, रत्नाकर बज्राचार्य पाहाँकथं ब्वति कयादीगु खः।

Categorized in राष्ट्रिय