राजपा ससद अवरोध यात
लहनान्युज | चिल्लाथ्व सप्तमी ११३९ (मार्च १३ २०१९)
राष्ट्रिय जनता पार्टी (राजपा) नेपालं थौं संसद अवरोध याःगु दु । अवरोध लिपा संसद बैठक १० मिनेटया लागि स्थगित याःगु दु ।
लाल आयोगया प्रतिवेदन सार्वजनिक याये माःगु माग यासें राजपां थौं बुधवाः न्हिनय १२ बजे च्वंगु बैठक अवरोध याःगु खः ।
बैठक सुरु जुगु छु लिपा हे राजपाया सांसदपिं दना विरोध याःगु खः । सभामुख कृष्णबहादुर महरां सांसद राजकिशोर यादवयात खँ तयेगु ई विगु खः । यादवं लाल आयोगया प्रतिवेदन सार्वजनिक मयातले सदनया कारवाही न्ह्यने मयेकेत इनाप याःगु खः ।
सभामुख महरां उकिगु लिसः बिइगु झ्वलय् गृहमन्त्री रामबहादुर थापां सदन हे सकारात्मक लिसः बिगु धयादीसे छु ई पिइत आग्रह यानादीगु खः ।
सभामुखया आश्वासन लिपा न राजपाया सांसदपि दना च्वंसे बैठक १० मिनेटया लागि स्थगितयाःगु खः ।