इङ्ग्ल्यान्ड फिफा विश्वकप फुटबल २०२६ या लिपांगु १६ गूगुलय् थ्यंगु दु। एटलान्टा स्टेडियमय् म्हिगः बहनि जूगु राउन्ड अफ ३२ अन्तर्गतया कासाय् डीआर कंगोयात २–१ गोलं बुकाः इंग्ल्यान्ड लिपांगु १६ गूगुलय् दुहांवंगु खः।

डीआर कंगोयात बुकूगु कासाय् इंग्ल्यान्डया कप्तान ह्यारी केन नायक जुल। केनं इंग्ल्यान्डया निंतिं निगूलिं गोल यात। कासाय् कंगों न्हापलाक गोल यानाः कासायात न्ह्यने यंकेत ताःलाःगु खः।

कासाया ७ गूगु मिनेटय् ब्रायन चिपेङ्गां गोल यासें कंगोयात न्ह्यने यंकूगु खः। उकिया लिपा धेंधेंबल्लाया ७५ गूगु मिनेटय् डीआर कंगोया गोलपोष्टय् इंग्ल्यान्डया कप्तान केनं गोल यानाः कासायात १–१ गोलया बराबरीइ हल।

उकिया लिपा कासाया ८६ गूगु मिनेटय् केनं थःगु निगूगु गोलपाखें देय्यात न्ह्यने लाकल। उकिया लिपा निगूलिं पुचः पाखें छगू नं गोल मजुल। म्हिगःया कासाय् बुइधुंकाः कंगो थुगु बिश्वकपपाखें पिहांवंगु दु।

Categorized in कासा