कोलम्बिया फिफा विश्वकप–२०२६ या अन्तिम १६ य् दुहाँवंगु दु। अमेरिकाया कान्सास सिटी खेलमैदानय् थौं जूगु कासाय् कोलम्बियां घानायात १–० गोलं बुकाः अन्तिम १६ य् थाय् दयेकूगु खः।

कोलम्बियायात त्याकेत जोन एरियासं निर्णायक गोल यात। वं कासाया १४ गूगु मिनेटय् लुइस स्वारेजया पासय् याःगु छगू गोल हे कोलम्बियाया निंतिं निर्णायक जुल। आः कोलम्बियां क्वाटरफाइनलय् दुहाँ वनेत स्विट्जरल्यान्डलिसे म्हिती।

थ्व कासालिसें विश्वकपया अन्तिम १६ य् वंगु फुक्क टोली क्वःजी धुंकूगु दु। गुकिइ अर्जेन्टिना, अमेरिका, क्यानडा, मोरक्को, पाराग्वे, फ्रान्स, ब्राजिल, नर्वे, मेक्सिको, इङ्ग्ल्यान्ड, पोर्चुगल, स्पेन, बेल्जियम, इजिप्ट, स्विट्जरल्यान्ड व कोलम्बिया लाः।

Categorized in कासा