बेल्जियमयात बुकाः स्पेन फिफा विश्वकप–२०२६ या सेमिफाइनलय् दुहाँवंगु दु। अमेरिकाया लस एन्जलस स्टेडियमय् थौं जूगु क्वार्टरफाइनल कासाय् बेल्जियमयात २–१ गोलं बुकाः स्पेन सेमिफाइनलय् दुहाँवंगु खः।

स्पेनयात त्याकेत फेबियन रुइज व मिकेल मेरिनों छगू छगू गोल याःगु खः। कासाया ३० गूगु मिनेटय् फेबियन रुइजं गोल यानाः स्पेनयात १–० गोलया अग्रता बिल। कासाया ४१ गूगु मिनेटय् बेल्जियमया कासामि चाल्र्स डे केटलेरं गोल यानाः कासायात १–१ गोलया बराबरीइ थ्यंकल।

अनंलिपा कासाया ८८ गूगु मिनेटय् स्पेनया मिकेल मेरिनों गोल यानाः थःगु टोलीयात सेमिफाइनलय् थ्यंकल। स्पेनं सेमिफाइनल कासाय् फ्रान्सलिसे म्हिती।

Categorized in कासा