प्रेस काउन्सिल नेपालया अध्यक्षय् पत्रकार उमेश श्रेष्ठयात नियुक्त याःगु दु । सूचना लिसे सञ्चार मन्त्रालयया सिफारिसय् मन्त्रिपरिषद् याःगु बैठकं काउन्सिलय् श्रेष्ठयात नियुक्त याःगु खः।

सञ्चारमाध्यम तयेगु नियमन याइगु प्रेस काउन्सिल सरकार व सञ्चारमाध्यम दथुइ समन्वय याइगु सरकारी निकाय खः। श्रेष्ठ लिपागु इलय् नेपालफ्याक्टचेकया सम्पादक जुया ज्या यानाच्वंगु खः। पत्रकारिता नाप आमसञ्चार त्रिभुवन विश्वविद्यालयपाखे स्नातकोत्तर यानाच्वम्ह श्रेष्ठ लिपागु इलय् मखुगु सूचं यागु तथ्यजाँच व प्रशिक्षकया ज्या याना च्वम्ह खः।

मिडिया नीतिया जानकार वयकः सिएमआर नेपाल जर्नालिजम एकेडेमीया प्रमुख प्रशिक्षकया कथं पत्रकार तयेत डिजिटल अनुसन्धान, डाटा पत्रकारिता, व एआईया प्रयोगबारे तालिम बिया वयाच्वम्ह खः। वयकलं सिटी टाइम्स, अप्सरा वाःपौ व स्पेस टाइम दैनिकय् ज्या यानादीइ धुकुम्ह खः।

अनलाइन समाचार पोर्टल परेवा डट कम व न्हापागु नेपाली ब्लग माइसंसार सुरु यानादीम्ह खः। वयकलं आः न माइसंसारमा ‘सालोक्य’ या नामं ब्लगिङ यानाच्वनादीम्ह खः। नागरिकन्यूज, अन्नपूर्ण पोस्ट डट कम, पहिल पोस्ट डट कमय् सम्पादकीय नेतृत्व यानादीइ धुकुगु बालाग अनुभव दु।

Categorized in राष्ट्रिय