नुगःचु सम्बन्धी समस्याया हुनिं बागमती प्रदेशया पूर्वमुख्यमन्त्री अष्टलक्ष्मी शाक्यया आकस्मिक कथं ‘एन्जियोप्लाष्टी’ शल्यक्रिया याःगु दु।

नेकपा (एमाले) या पूर्वउपाध्यक्ष शाक्यया थौं सुथय् पाटन स्वास्थ्य विज्ञान प्रतिष्ठानय् शल्यक्रिया याःगु खः। आः नेत्री शाक्यया सघन उपचार कक्षय् उपचार जुयाच्वंगु दु।

अस्पतालया ‘मुटु रोग विभाग’या प्रमुख डा अशोक अधिकारीया कथं नेत्री शाक्ययात सुथय् छाती स्याःगुलिं अस्पताल हःगुलिइ परीक्षणपाखें ‘हार्ट अट्याक (एक्युट मायोकोर्डियल इन्फरक्सन’ खनेदूगुलिं ‘एन्जियोप्लाष्टी’ याःगु खः।

शल्यक्रियाय् डा अधिकारी, डा प्रबिन्द्र महर्जन, डा आनन्द जिसीया पुचः दुथ्याःगु खः।

Categorized in राष्ट्रिय