बलिउड अभिनेत्री शिल्पा शेट्टी थौं पशुपतिइ देगलय् वनाः पुजा, आराधना लिसें दर्शन यानादीगु दु।

साउनया शनिबाः लाकाः अभिनेत्री शेट्टीं थौं सुथय् निद्वः व १०० वंगु गुगू रसिद कयाः पञ्चामृत पुजा, आराधना लिसें दर्शन यानादीगु पशुपति क्षेत्र विकास कोषया पुरातत्व अधिकृत सुशीलकुमार गौतमं जानकारी बियादिगु दु।

अभिनेत्री शेट्टी दर्शनार्थीकथं थौं सुथय् पशुपतिनाथ दर्शन लिसें पुजा आराधनाया निंतिं दुहाँ झाःगु वय्कलं कनादिल। “साउन महिना भगवान् शिवया महिना जूगुलिं विश्वन्यंकंया वैदिक सनातन हिन्दू धर्मावलम्बी पुजा, आराधना व दर्शन यायेत नेपाः वयेगु याइ।

उकिइमध्ये भारतं वइपिं दर्शनार्थी यक्व दइ”, वय्कलं धयादिल। भारतं साउनय् विशिष्ट व्यक्तित्व नं पशुपतिनाथय् दर्शन नापनापं पुजा, आराधना यायेत वयाच्वनीगु खः।

Categorized in मनोरन्जन