यलया ग्वार्कोय् बस दुर्घटना जुयाः छम्ह मनू सीगु दुसा झिंगुम्ह (१९ म्ह) घाःपाः जूगु दु।

जिल्ला प्रहरी परिसर यलया एसपी गौतम मिश्रया कथं थ्यंमथ्यं ४० दँया मिसा सीगु खः। थौं बिहिवाः सुथय् १०ः३० ता इलय् कोटेश्वरं ग्वार्कोय् वयाच्वंगु बस फ्लाईओभरय् ठक्कर नयाः दुर्घटना जूगु खः।

एसपी मिश्रया कथं बा२ख ३५९० ल्याःया बस दुर्घटनाय् लाःगु खः।दुर्घटनाय् झिंगुम्ह घाःपाः जूगु दु। इमित वासः यायेगु नितिं बी एण्ड बी व ग्लोबल अस्पतालय् छ्वःगु खः।

प्रहरीं बस चालक काभ्रेया तिमाल गाउँपालिका ३ छेँ दुम्ह थौंकन्हय् ख्वपय् च्वनीम्ह ३६ दँया लक्षी तामाङयात नियन्त्रणय् काःगु दु।

Categorized in राष्ट्रिय