सर्वोच्च अदालतं जनआस्था साप्ताहिकया प्रधान सम्पादक किशोर श्रेष्ठयात सोमबाः अदालतय् उपस्थित याकेत प्रहरीयात आदेश ब्यूगु दु।

न्यायाधीश बालकृष्ण ढकालया एकल इजलासं वय्कःयात अदालतय् उपस्थित याकेत आदेश ब्यूगु खः। पत्रकार श्रेष्ठया पाखें वय्कःया जहान सरस्वती श्रेष्ठं बिहीबाः थुनामुक्त यायेत माग यानाः बन्दीप्रत्यक्षीकरण रिट दायर यानादीगु खः।

रिटय् छुं हे आधार मदयेकं ज्वंगु धासें वय्कःयात थुनामुक्त यायेत माग याःगु खः। बुधबाः बहनी पत्रकार श्रेष्ठयात ज्वंगु खः। येँ जिल्ला अदालतं बिहीबाः वय्कःयात प्रहरी हिरासतय् तयेत स्वन्हुया अनुमति ब्यूगु खः।

Categorized in राष्ट्रिय