एलपी ग्यासया अभाव तःच्वयेवं नेपाल आयल निगमं थौ येँ न्यागु थासय् बिक्री÷वितरण शुरू यागु दु।

निगमं जिल्ला प्रशासन कार्यालय येँ नाप समन्वय यासे थौनिसे ग्यास उद्योग नाप डिपोपाखे ग्यास वितरण यायेगु ज्या न्ह्याकूगु खः।टेकुइ च्वंगु् नेपाल आयल निगम, चाबहिलय् यातायात कार्यालय, किपू व बसुन्धराय् च्वंगु राधास्वामी व बबरमहलय् पुलागु जिल्ला प्रशासन कार्यालय दुने बिक्री शुरू याःगु खः।

बिक्री केन्द्रया कथं बिस्क बिस्क ब्रान्डका ग्यास मिइगु ज्या जुगु धका निगमं धाःगु दु। निगमं क्वछिना तःगु थासय् सुथंनिसे सर्वसाधरण तयेगु ग्यास कायेगु निति वयाच्वंगु खः। निगमं थीथी थासय् ग्यास मिइगु यासां सर्वसाधारण तय्स याउक काये मफु धका धयाच्वंगु दु।

ग्यास कायेगु निति नागरिकता वा राष्ट्रिय परिचयपत्र ज्वना वयेमाः धका सूचं जारी याःगु खः।

Categorized in राष्ट्रिय