यल महानगरपालिकां थनिनिसें सुचं वःगु झिंन्यागू मिनेटया दुने छेँय् हे वनाः चिकित्सक लिसेंया एम्बुलेन्स सेवा बिइगु जूगु दु। एम्बुलेन्सय् अक्सिजन, एम्बुब्याग, आकस्मिक वासःत, भेन्टिलेटरलिसेंया व्यवस्थापन यानातःगु दु।

थुगु सेवाया निंतिं महानगरं आःयात न्यागः एम्बुलेन्स लिसें चिकित्सक नापनापं स्वास्थ्यकःमि लिसेंया अत्यावश्यक वासः व उपकरणतय्गु व्यवस्थापन याःगु दु। महानगरपालिकाया प्रमुख चिरीबाबु महर्जनं धयादिल, “न्हापां, आकस्मिक व अत्यावश्यक सेवाया पाखें बिरामीयात लाभान्वित यासें अस्पतालतक थ्यंकेगु यानाः ज्या न्ह्याकागु दु। सुचं वःगु झिंन्यागू मिनेटया दुने स्वास्थ्यकःमिया पुचः बिरामीया छेँय्तक थ्यनी। सेवा बिइ। उघ्रिमय् अस्पताल यंकेमाःगु जुसा ग्वाहालि नापं याइ।”

प्रमुख महर्जनं सिटिनेटया दुजःया कथं भ्रमणय् वनाबले फिलिपिन्सया माकाटीइ थुजाःगु कथंया सेवा प्रवाह याःगु व अन सुथां लाःगु खंगुलिं थन नापं छ्यलाबुलाय् हयेगु कुतः यानागु जानकारी बियादिल। “कार्यविधि निर्माण यानाः थ्व सेवा न्ह्याकागु दु, ध्यबा दया, जनशक्ति दया जक थ्व ज्या यायेफइगु मखु, सयेकेगु व छ्यलाबुलाय् नापं हयेगु कुतः कथं जिमिस. फुक्क ख्यलय् न्हून्हूगु ज्या याना च्वनागु दु”, महानगरप्रमुख महर्जनं धयादिल।

स्वास्थ्य लिसें खाद्य स्वच्छतामन्त्री निशा मेहतां थौं उगु ज्याझ्वःयात न्ह्याकादिसें स्वास्थ्य सेवाय्यल महानगरया ज्या गौरव याये बहःगु जूगु धयादीगु दु । वय्कलं स्वास्थ्य ख्यलय् हलिंया छुं छुं देसं जक छ््यलाबुलाय् हयेपूmगु थुजाःगु सेवा यल महानगरं न्ह्याकूगुलिं थः तसकं लय्तानागु व राष्ट्रिय गौरवया खँ जूगु धयादीगु खः। “स्वास्थ्य ख्यलय् यल महानगरं न्ह्याकूगु थ्व उदाहरणीय ज्या हलिंया छुं छुं देसय् जक नाला च्वंगु दु, थ्व च्वछायेबहःगु ज्या न्ह्याकूगुलिं जिं भिंतुना देछानाच्वन।

नागरिकयात गथे यानाः सेवा बिइ फइ धकाः बिचाः यायेगु फुक्क ज्याय् सहजीकरण यायेगु जुइ” मन्त्री मेहतां धयादिल। वय्कलं एम्बुलेन्स सेवा छगू सामान्य सेवा जक मखु धायादिसें उकिया नापनापं डाक्टर, मेडिकल उपकरणलिसेंया सेवा बिइगु तसकं महत्त्वपूर्ण व थाकूगु ज्या जूगु धकाः धयादिल।प्रमुख प्रशासकीय अधिकृत रेखा दास श्रेष्ठं यल महानगरपालिकां न्ह्याकूगु थ्व स्वास्थ्य सम्बन्धी सेवा देय्न्यंकंया हे स्थानीय सरकार मध्येय् अनुकरणीय व न्हूगु ज्या जूगु धयादिल।

पाटन स्वास्थ्य विज्ञान प्रतिष्ठानया उपकुलपति डा नवीसमान सिंह प्रधानं थ्व ज्या न्ह्याकेगु धइगु तसकं हे सकारात्मक नापनापं च्वछायेबहःगु जूगु धायादिसें भेन्टिलेटर व चिकित्सक लिसेंया एम्बुलेन्स न्हूगु ज्यां अस्पताल यंके न्ह्यःया निःशुल्क सेवां महानगरवा सीला भान्वित जुइगु धयादिल।

Categorized in राष्ट्रिय