नेवाः पत्रकार तयेगु मंकाः संगठन नेवाः पत्रकार राष्ट्रिय दबू याःगु न्हापागु प्रदेश संचरना कथं बागमति प्रदेश समिति गठन जूगु दु।

उगु अधिवेशनं पत्रकार बिराजकाजी राजोपाध्यायया अध्यक्षताय् १३ म्ह सदस्यीय कार्यसमिति सर्वसम्मत ल्यःगु खः।सर्वसम्मत निर्वाचित कार्यसमितिइ उपाध्यक्ष (खुल्ला) य् विनोद श्रेष्ठ व उपाध्यक्ष (मिसा) य् कुसुम बज्राचार्य, सचिवय् शनिराज शाक्य व श्याम था श्रेष्ठयात कोषाध्यक्ष ल्यःगु दु।

अथेहे सह सचिव (खुल्ला) य् विश्वनाथ ताम्राकार व सह सचिव (मिसा) य् विष्णुदेवी महर्जनयात ल्यःगु खःसा सदस्यय् सुरज मानन्धर, राजु महर्जन (जुजु), मदनराम कर्माचार्य, पुनमाया (श्रेष्ठ) कर्माचार्य, दिपक कायस्थ श्रेष्ठ व ज्ञानदेव श्रेष्ठयात ल्यःगु खः।

नेवाः पत्रकार राष्ट्रिय दबूया न्हापागु प्रदेश कमिति गठन यायेगु ज्याझ्वलय् दबूया केन्द्रीय अध्यक्ष नृपेन्द्रलाल श्रेष्ठं छगु ज्याझ्वः दथुइ उलेज्या यानादीगु खः।ज्याझ्वः उपाध्यक्ष सुरेन्द्रभक्त श्रेष्ठया सभाध्यक्षताय् जुगु उगु ज्याझवलय् महासचिव केके मानन्धर, कोषाध्यक्ष बाबुकाजी साँछेँ श्रेष्ठ व बागमति प्रदेश अन्तर्गत जिल्ला समितिया अध्यक्षपिन्स भिंतुना न्वचु तयादीगु खः।

पत्रकार दबूया थ्व हे वइगु भाद्र १९ व २० गते गोरखा जिल्लाया मिलनबस्तीइ न्याक्वःगु राष्ट्रिय महाधिवेसन जुइत्यःगु दु।

Categorized in राष्ट्रिय