नेवाः पत्रकार राष्ट्रिय दबू मधेश प्रदेशया अध्यक्षय् रौतहटया युवास श्रेष्ठ निर्वाचित जूगु दु। म्हिगः शनिवाः जुगु रौतहट जिल्लाया चन्द्रनिगाहपुरय् जुगु न्हापागु भेलाय् युवासया अध्यक्षताय् प्रदेश समिति गठन जूगु खः।

अथेहे उगु मुज्याँय् सिराहाया रविन्द्र श्रेष्ठ व बाराया मञ्जु मानन्धरयात उपाध्यक्षय् ल्यःगु खः। रौतहटया दीपक श्रेष्ठ सचिव, रिना श्रेष्ठ कोषाध्यक्ष, सर्लाहीया सञ्जीव श्रेष्ठ, बाराया प्रकाश श्रेष्ठ व सन्तोष रन्जितकारयात प्रदेश समिति सदस्यय् व शंकर श्रेष्ठ, जीतलाल श्रेष्ठ व गौतम श्रेष्ठयात केन्द्रीय पार्षदय् ल्यःगु खः।

नेवाः पत्रकार राष्ट्रिय दबूया केन्द्रीय कमितिया उपाध्यक्ष सन्दिप श्रेष्ठयागु मूपाहाँसूइ जुगु उगु मुज्याँय् रबि महर्जन, नेपाल आदिवासी जनजाति पत्रकार महासंघ मधेश प्रदेशया अध्यक्ष दुष्यन्त चौधरी, नेवा देय् दबू रौतहटया अध्यक्ष बालकृष्ण श्रेष्ठपि पाहाँ कथं ब्बति काःगु खः।

Categorized in राष्ट्रिय