नेपाली कांग्रेस बागमती प्रदेशसभा संसदीय दलं मुख्यमन्त्री किरण थापाया पक्षय् मतदान मयायेत ह्विप जारी याःगु दु।

मुख्यमन्त्री थापां सोमबाः प्रदेशसभाय् न्ह्यब्वइगु विश्वासया मतसम्बन्धी प्रस्तावया विपक्षय् मतदान यायेत नेपाली कांग्रेसं थः सांसदपिंत ह्विप जारी याःगु खः।कांग्रेस बागमती प्रदेशसभा संसदीय दलया प्रमुख सचेतक पुकार महर्जनं जारी याःगु ह्विपय् प्रदेशसभाया बैठकय् अनिवार्य उपस्थित जुइत, तटस्थ मच्वनेत व मुख्यमन्त्री थापां न्ह्यब्वइगु विश्वासया मतसम्बन्धी प्रस्तावया विपक्षय् मतदान यायेत प्रदेशसभा सदस्यपिंत निर्देशन ब्यूगु दु।

नेपाःया संविधानया धारा १६८ या उपधारा (४) लिसें बागमती प्रदेशसभा नियमावली, २०७४ या नियम १४३ कथं मुख्यमन्त्री थापां प्रदेशसभाय् विश्वासया मतसम्बन्धी प्रस्ताव न्ह्यब्वइगु ज्याधलः दूगुलिं कांग्रेसं थः दुजःपिंत वहे कथं मतदान यायेत ह्विप जारी याःगु खः।

Categorized in राष्ट्रिय